Bag-ong Programa sa Sirkitong Asembliya

Niining kataposang mga adlaw sa dunot nga karaang kalibotan, hinungdanon nga atong ampingan ang atong espirituwal nga besti ug ang atong pagka-Kristohanon. (Pin. 16:15) Busa, haom nga ang tema sa programa sa sirkitong asembliya sa 2006 maoy “Isul-ob ang Bag-ong Pagkatawo.”—Col. 3:10.

Unang Adlaw: Ang unang simposyum, “Pagpasundayag sa mga Bahin sa Bag-ong Pagkatawo,” magpasiugda kon sa unsang paagi ang pag-ugmad sa bag-ong pagkatawo makabenepisyo kanato diha sa tanang bahin sa atong kinabuhi. Sa unsang paagi atong maugmad ang bag-ong pagkatawo? Kini pagahisgotan sa kataposang duha ka pakigpulong sa unang adlaw, “Disiplinaha ang Kaugalingon Aron Makapamalandong sa Hustong Paagi” ug “Edukasyon nga Makaumol sa Bag-ong Pagkatawo.”

Ikaduhang Adlaw: Pagahisgotan sa ikaduhang simposyum, “Pag-ugmad sa Dila sa mga Maalamon,” kon sa unsang paagi ang bag-ong pagkatawo makaimpluwensiya sa atong paggamit sa dila. Ang tema sa pakigpulong publiko maoy “Imo Bang Gidaog ang Usa nga Daotan?” Kini magpasiugda sa panginahanglan sa pagpabiling alisto bahin sa mga taktika ni Satanas. Ang kataposang duha ka pakigpulong sa asembliya, “Hupti ang Inyong Kaugalingon nga Walay Lama sa Kalibotan” ug “Adlaw-Adlaw nga Pagbag-o sa Atong Sulod nga Pagkatawo,” motabang kanato sa pagsalikway sa mga tinamdan ug panggawi nga supak sa matarong nga mga dalan sa Diyos ug sa pagpabiling malig-on diha sa atong pagsimba kang Jehova.

Naghinamhinam gayod kita nga makadawat niini nga pagdasig sa pagsul-ob ug pag-amping sa bag-ong pagkatawo!