Mga Pahinumdom sa Memoryal

Ang pagsaulog sa Memoryal niining tuiga matunong sa Miyerkoles, Abril 12. Kinahanglang tagdon sa mga ansiyano ang mosunod nga mga butang:

◼ Sa pagtino sa oras alang sa tigom, seguroha nga ang mga emblema mapasa pagkahuman sa pagsalop sa adlaw.

◼ Ang tanan, lakip ang mamumulong, kinahanglang mapahibalo sa tukmang oras ug dapit sa pagsaulog.

◼ Ang tukmang matang sa tinapay ug bino kinahanglang mabatonan ug maandam.—Tan-awa ang Pebrero 15, 2003, Bantayanang Torre, p. 14-15.

◼ Ang mga plato, mga baso, ug haom nga lamesa ug mantel kinahanglang dad-on ngadto sa tigomanan ug ipahiluna nga abante.

◼ Ang Kingdom Hall o ubang dapit nga tigomanan kinahanglang mahinloan pag-ayo nga abante sa panahon.

◼ Ang mga atendant ug mga tigsilbi kinahanglang pilion ug pahinumdoman nga abante bahin sa ilang mga kaakohan, sa tukmang pamaagi nga pagasundon, ug sa panginahanglan sa maligdong nga panapot ug pamostura.

◼ Ang mga kahikayan kinahanglang himoon aron masilbihan ang bisan kinsa sa mga dinihogan nga baldado ug dili makatambong.

◼ Kon kapin sa usa ka kongregasyon ang naeskedyul nga mogamit sa samang Kingdom Hall, kinahanglang adunay maayong koordinasyon tali sa mga kongregasyon aron malikayan ang wala-kinahanglanang paghuot diha sa lawak hulatanan o ganghaan, sa publikong mga agianan, ug sa parkinganan.