Bag-ong Programa sa Adlaw sa Espesyal nga Asembliya

Gipalig-on sa balaang espiritu, ang unang mga Kristohanon nagpasundayag ug dakong kasibot sa pagmantala sa maayong balita ngadto sa lagyong mga dapit kutob sa mahimo. (Buh. 1:8; Col. 1:23) Ang bag-ong programa sa adlaw sa espesyal nga asembliya, ‘Magmaokupado Kaayo sa Pulong,’ motabang kanato sa pagsundog sa ilang maayo kaayong panig-ingnan. (Buh. 18:5) Kining programaha magsugod sa Pilipinas sa Pebrero, 2007.

Nagkomento bahin sa pulong sa Diyos, si Haring David miingon: “Ang pahinumdom ni Jehova kasaligan, nga nagahimo nga maalamon sa walay kasinatian.” (Sal. 19:7) Ang giandam pag-ayo nga programa alang sa adlaw sa espesyal nga asembliya sa 2007 magpasiugda sa kahinungdanon sa Kasulatan “sa pagpanul-id sa mga butang” ug magdasig kanato sa paggamit sa Pulong sa Diyos sa pagsangyaw ug pagpanudlo uban ang pagbati sa pagkadinalian. (2 Tim. 3:16, 17) Ipakita sa bag-ong programa kon sa unsang paagi kita makalikay sa mga lit-ag ug makakuhag kaayohan pinaagi sa pagpadapat sa mga prinsipyo sa Bibliya diha sa adlaw-adlawng pagkinabuhi. Kini motabang usab kanato sa paggamit sa Pulong sa Diyos sa pagbulig sa mga batan-on ug mga bag-ohan sa pag-uswag sa espirituwal.

Paneguroa nga maanaa ka sa dihang magsugod ang programa, ug paminaw pag-ayo. Pagkuhag mga nota bahin sa mga punto nga imong mapadapat sa personal. Ipasundayag ang imong pagpabili sa instruksiyon ug mga pahinumdom nga nadawat, ug pamalandonga kon sa unsang paagi imong mapadapat ang mga butang nga nakat-onan.

Ang programa sa adlaw sa espesyal nga asembliya magpauswag sa atong pagpabili sa Pulong sa Diyos, magpahinumdom kanato sa pagpadayong malig-on sa pagsangyaw sa maayong balita sa Gingharian uban ang kasibot, ug magpakita kanato kon sa unsang paagi atong matabangan ang uban sa paghimo usab niana. Busa magmadeterminado nga dili sipyaton ang tanang espirituwal nga pagtultol ug pagpanudlo nga ihatag ni Jehova pinaagi niini!—Isa. 30:20b, 21.