“Pagkaon sa Hustong Panahon”
1. Sa unsang paagi ang programa sa espesyal nga asembliya nakatabang kanimo ug sa uban?
1 Human makatambong ug espesyal nga asembliya, sagad kitang makaingon, “Mao gayod kini ang atong gikinahanglan!” Usa ka magtatan-aw sa sirkito ang nagtaho nga human sa programa, ang pipila sa iyang sirkito miingon nga buot nilang dugangan ang ilang panahon sa ministeryo. Usa ka nagapanawng magtatan-aw ang miingon: “Kami natin-awan kon asa na kita sa agos sa panahon busa natabangan kami sa pagsusi sa among prioridad.” Ang lain miingon: “Para sa daghang magmamantala kini maoy tin-awng pahinumdom aron matino kon unsa ang labing hinungdanon, ang ministeryo.” Sa unsang paagi ka natabangan sa espesyal nga asembliya?
2. Unsay hisgotan sa programa niining tuiga?
2 Ang programa niining tuiga mao usab ang atong gikinahanglan. Ang tema maoy ‘Dangop Kang Jehova,’ nga gipasukad sa Salmo 118:8, 9. Kini ang pipila sa mga ulohan nga hisgotan: “Kon sa Unsang Paagi si Jehova Usa ka Kuta Panahon sa Kasakitan,” “Tabangi ang Uban nga Makakaplag ug Dangpanan Ilalom sa mga Pako ni Jehova,” “Sundoga si Jehova sa Pagtaganag Dangpanan,” “Mga Batan-on, Salig Kamo Kang Jehova!” ug “Ang Atong Espirituwal nga Paraiso—Usa ka Dalangpanan nga Tagana ni Jehova.”
3. Sa unsang paagi kita bug-os makabenepisyo sa pagtambong?
3 Aron Makabenepisyo: Kon gipahibalo na ang petsa, planoha gayod nga makatambong ka ug dapita ang imong mga gitun-an sa Bibliya. Aron kita ‘makapamunga uban ang paglahutay,’ angay natong hinumdoman ang napamatian. (Luc. 8:15) Busa pamati pag-ayo ug pagkuhag mugbong nota sa pangunang mga punto ug mga instruksiyon nga buot nimong ipadapat sa imong kinabuhi ug ministeryo. Human sa asembliya, paggahig panahon nga hisgotan ang programa ingong pamilya, ug pangitag mga paagi nga inyong mapadapat ang impormasyon.
4. Nganong angay natong pangandaman ang umaabot nga espesyal nga asembliya?
4 Sama sa lamian ug sustansiyadong pagkaon, ang espesyal nga asembliya niining tuiga giandam pag-ayo uban ang gugma. Hinaot panalanginan ni Jehova ang inyong mga paningkamot nga makatambong ug makabenepisyo niining “pagkaon sa hustong panahon” aron sa pagpalig-on kanato sa espirituwal.—Mat. 24:45.