Mga Pahinumdom sa Memoryal

Kinahanglang tagdon sa mga ansiyano ang mosunod nga mga butang sa pagpangandam alang sa Memoryal:

◼ Seguroha nga ang mga emblema dili ipasa sa dili pa mosalop ang adlaw.

◼ Ang tukmang matang sa tinapay ug bino angayng segurohon nga mabatonan ug maandam nga abante.—Tan-awa ang Pebrero 15, 2003, Bantayanang Torre, panid 14-15.

◼ Ang mga plato, kopa, ug haom nga lamesa ug mantel kinahanglang abante nga dad-on ug ipahiluna sa tigomanan.

◼ Ang Kingdom Hall o ubang dapit nga pagatigoman kinahanglang mahinloan pag-ayo nga abante.

◼ Ang mga atendant ug mga tigsilbi kinahanglang pilion ug pahinumdoman nga abante bahin sa ilang mga kaakohan, sa tukmang kahikayan nga pagasundon, ug sa panginahanglan nga magsul-ob ug maligdong nga pamiste ug pamostura.

◼ Kinahanglang hikayon nga masilbihan ug mga emblema ang mga dinihogan nga may sakit ug dili makatambong.

◼ Kon kapin sa usa ka kongregasyon ang naeskedyul nga mogamit sa samang Kingdom Hall, kinahanglang adunay maayong koordinasyon tali sa mga kongregasyon aron malikayan ang wala-kinahanglanang paghuot diha sa ganghaan, sa mga agianan, ug sa parkinganan.

◼ Kon mogamit ug laing tigomanan, seguroha nga adunay maayong sound system aron madunggan sa tanang manambong ang mamumulong.