Kon Unsay Isulti Bahin sa mga Magasin

Ang Bantayanang Torre Ene. 1

“Mouyon ka ba sa giingon dinhi? [Basaha ang Santiago 3:2.] Kining artikuloha naghatag ug pipila ka praktikal nga mga sugyot gikan sa Bibliya aron dili nato mapasakitan ang mga membro sa pamilya pinaagi sa atong sinultihan.” Ipakita ang artikulo sa panid 10.

Pagmata! Ene.

“Ang tanang magtiayon dunay mga suliran. Sa imong hunahuna, asa kaha sila makakaplag ug kasaligang tambag? [Patubaga.] Matikdi kining praktikal nga giya. [Basaha ang Efeso 5:22, 25.] Kining artikuloha nagsaysay kon unsay ipasabot sa pagpasakop sa asawa ngadto sa iyang bana.” Ipakita ang artikulo sa panid 28.

Ang Bantayanang Torre Peb. 1

“Sa kadaghan sa atong problema, posible kaha nga makabaton kitag tinuod nga kalinaw sa hunahuna? [Patubaga.] Ang pagpamalandong sa paglaom sa umaabot nga gihisgotan sa Bibliya nakatabang sa daghan. [Basaha ang usa sa gikutlo o gisitar nga mga teksto sa artikulong gipasiugda.] Kining magasina nagpakita sa gisulti sa Bibliya kon asa kita gikan, kon unsay katuyoan sa kinabuhi, ug kon unsay anaa sa umaabot.”

Pagmata! Peb.

“Tungod sa pagkaylap sa krimen, daghang tawo ang mibati ug kawalay kasegurohan. Sa imong hunahuna, mabag-o pa kaha kini? [Patubaga.] Matikdi kining makapainteres nga tagna sa Bibliya. [Basaha ang Salmo 37:10.] Kining magasina nagsaysay sa tinuod nga hinungdan sa krimen ug sa kasulbaran niini sumala sa Bibliya.”