Kon Unsay Isulti Bahin sa mga Magasin

Ang Bantayanang Torre Peb. 1

“Sa imong hunahuna, unsa kahay epekto sa mga pamilya kon ilang ipadapat kining tambaga? [Basaha ang Efeso 4:31. Dayon patubaga.] Kining artikuloha naghatag ug praktikal nga mga sugyot gikan sa Bibliya kon sa unsang paagi husayon ang panagkabingkil ug mahuptang malipayon ang kaminyoon.” Ipasiugda ang artikulo nga nagsugod sa panid 18.

Pagmata! Peb.

“Ang pipila nagtuo nga ang Diyos naghupot ug listahan sa matag sayop nga atong mahimo. Ang uban nagtuo nga ang Diyos magpasaylo sa tanang sala, bisan unsa pa kana ka seryoso. Ingon ba usab niana ang imong hunahuna? [Patubaga. Dayon basaha ang Buhat 3:19.] Kining artikuloha naghisgot sa tulo ka paagi nga giingon sa Bibliya aron madawat nato ang kaluoy sa Diyos.” Ipasiugda ang artikulo nga nagsugod sa panid 10.

Ang Bantayanang Torre Mar. 1

“Gusto nakong mahibaloan ang imong opinyon bahin niining pamilyar kaayo nga teksto. [Basaha ang Juan 3:16.] Wala ka ba matingala kon sa unsang paagi ang kamatayon sa usa ka tawo moresulta sa pagkabaton sa uban ug kinabuhing walay kataposan? [Patubaga.] Kining magasina maghisgot sa klaro ug makapatagbaw nga tubag kon sa unsang paagi ang kamatayon ni Jesus makahatag kanatog kaayohan.”

Pagmata! Mar.

“Nagtuo ka ba nga maayo ang tanang relihiyon? [Patubaga.] Matikdi ang giingon sa Bibliya bahin sa pagsimba sa pipila. [Basaha ang Marcos 7:7.] Unsaon nato pagkahibalo kon ang usa ka relihiyon nagtudlo ba gayod sa kamatuoran ug dili sa ‘mga sugo sa tawo’? Aduna ba gayoy relihiyon nga nagtudlo sa kamatuoran? Kining magasina magtubag sa maong mga pangutana.”