Kon Unsay Isulti Labot sa mga Magasin

Ang Bantayanang Torre Peb. 15

“Nahibulong ang pipila ka tawo kon aduna bay usa ka Diyos ingong persona. Ang uban nag-ingon nga siya naglungtad apan mibati nga siya halayo kaayo gikan kanila. Nakamatikod ka ba niana? [Tugoting motubag.] Matikdi kon nganong hinungdanon kaayo nga personal nga mailhan ang Diyos. [Basaha ang Juan 17:3.] Maylabot niini, makaplagan mong makaiikag ang nag-unang mga artikulo niining gulaa.”

Pagmata! Peb. 22

“Nagtuo ka ba nga katuyoan sa Diyos nga mag-antos ang mga tawo, lakip ang mga bata, sa malnutrisyon? [Tugoting motubag.] Matikdi kining makapahupay nga saad nga makaplagan diha sa Bibliya. [Basaha ang Salmo 72:16.] Kining gulaa sa Pagmata! naghisgot sa mga hinungdan sa malnutrisyon ug, labing hinungdanon, sa saad sa Diyos nga taposon kini sa dili madugay.”

Ang Bantayanang Torre Mar. 1

“Gusto namong mahibaloan ang imong opinyon bahin niining makaiikag nga teksto. [Basaha ang Mateo 5:10.] Sa unsang paagi magmalipayon ang usa ka tawo kon siya ginalutos? [Tugoting motubag.] Ang unang duha ka artikulo niining magasina naghisgot sa pipila ka tawo nga nagpabiling malipayon bisan pa sa ilang pag-antos. Mainteres ka gayod sa pagbasa kon giunsa nila paghimo kana.”

Pagmata! Mar. 8

“Dili ka ba mouyon nga bisan pa sa mga problema sa kinabuhi aduna gihapon kitay katarongan nga magmapasalamaton? [Tugoting motubag.] Ang usa ka rason nga magmapasalamaton mao ang paagi sa pagbuhat kanato. [Basaha ang Salmo 139:14.] Pagkamapasalamaton gayod nato nga nakabaton ug mga sentido nga gikinahanglan aron mapabilhan ang kinabuhi, nga niining gulaa sa Pagmata! giilustrar!”