Kon Unsay Isulti Labot sa mga Magasin

Ang Bantayanang Torre Peb. 15

“Daghang tawo ang nabalaka tungod sa daotang mga butang nga nagakahitabo sa ngalan sa relihiyon. Gibati sa uban nga ang relihiyon mao ang hinungdan sa mga suliran sa katawhan. Nakahunahuna ka ba sukad bahin niini? [Tugoting motubag. Dayon basaha ang Pinadayag 18:24.] Kining magasina nagsusi kon unsay giingon sa Bibliya bahin niining ulohana.”

Pagmata! Peb. 22

“Daghang tawo malipay sa pagkakat-on bahin sa mga mananap, ug ang uban mahimuot sa pagbaton niini ingong mga binuhi. [Tugoting mokomento.] Kining magasina naghisgot sa pipila ka suliran sa pagpanag-iya ug binuhi. Gisaysay usab niini ang saad sa Diyos bahin sa usa ka panahon sa dihang ang tanang mananap magmalinawon na sa usag usa ug sa katawhan.” Basaha ang Isaias 11:6-9.

Ang Bantayanang Torre Mar. 1

“Sa usa ka higayon, gipangutana si Jesu-Kristo: ‘Unsa man ang sugo nga una sa tanan?’ Matikdi ang iyang tubag. [Basaha ang Marcos 12:​29, 30.] Nahibulong ka ba kon unsay buot ipasabot ni Jesus? [Tugoting motubag.] Ang artikulo nga ‘Kon sa Unsang Paagi Ikapakita Nato ang Atong Gugma Alang sa Diyos’ nagsusi sa kahulogan nianang iladong mga pulong.”

Pagmata! Mar. 8

“May panahon nga daghang tawo ang nabuhi sa kahadlok bahin sa nukleyar nga gubat. Nagtuo ka ba nga mahitabo gayod ang usa ka nukleyar nga gubat karon? [Tugoting motubag.] Kining magasina nagsusi sa presenteng mga kaugmaran nga kinahanglang tagdon natong tanan. Gisaysay usab niini ang saad sa Bibliya bahin sa usa ka kalibotan diin ang kahadlok maoy butang na lamang sa kagahapon.” Basaha ang Sofonias 3:13.