Kon Unsay Isulti Labot sa mga Magasin

Ang Bantayanang Torre Peb. 15

“Usahay, makabati kitag mga taho nga nag-ingong dunay milagro nga nahitabo. [Paghatag ug pananglitan.] Ang ubang mga tawo motuo niining mga tahoa. Ang uban magduhaduha. Kining magasina nagsusi kon ang mga milagro nga gitaho sa Bibliya tinuod ba gayong nahitabo ug kon duna pa bay mga milagro karon.” Basaha ang Jeremias 32:21.

Pagmata! Peb. 22

“Sa karaang mga panahon, ang Diyos nagsugo sa mga anak sa pagpasidungog sa ilang inahan ug sa ilang amahan. [Basaha ang Exodo 20:12.] Sa imong hunahuna gipasidunggan ba sa haom nga paagi ang mga inahan karon? [Tugoting motubag.] Kining magasina nagsusi sa mga suliran nga giatubang sa mga inahan sa nagkalainlaing mga nasod ug kon sa unsang paagi ilang nabuntog ang maong mga suliran.”

Ang Bantayanang Torre Mar. 1

“Sa imong hunahuna moarang-arang kaha ang kalibotan kon ipadapat sa tanan kining tambaga? [Basaha ang Roma 12:17, 18. Dayon tugoting motubag.] Ikasubo, motumaw usahay ang personal nga mga kasungian. Kining magasina nagpakita kon sa unsang paagi ang pagpadapat sa tambag sa Bibliya makatabang kanato sa pagsulbad sa mga kasungian ug sa pagpasig-uli sa panagdait.”

Pagmata! Mar. 8

“Kada tuig, nagkadako ang panginahanglan sa enerhiya. Mahunahuna mo ba kon unsay mahitabo kon usa ka adlaw niana mahurot na ang enerhiya nga atong gikinahanglan? [Tugoting motubag.] Kining magasina naghisgot sa kaugmaran nga ginahimo sa pagmugnag mas hinlong mga tinubdan sa enerhiya. Gipaila usab niini ang Tinubdan sa tanang enerhiya.” Basaha ang Isaias 40:26.