Kon Unsay Isulti Bahin sa mga Magasin

Ang Bantayanang Torre Peb. 15

“Nagtuo ang uban nga gidaot sa tawo ang yuta. Nabalaka ka ba sukad bahin niana? [Patubaga.] Palandonga kining makapadasig nga saad. [Basaha ang Pinadayag 11:18.] Kining magasina naghatag ug impormasyon kon unsay nakapatalagsaon niining atong planeta. Gipakita usab niini kon unsay giingon sa Bibliya bahin sa umaabot sa yuta.”

Pagmata! Peb.

“Sa imong hunahuna, mao ba kini ang hinungdan kon nganong kita nakakita ug daghan kaayong kalisdanan sa kalibotan? [Basaha ang 1 Juan 5:19. Dayon patubaga.] Kining artikuloha naghisgot bahin sa giingon sa Bibliya kon unsaon pag-ila ang ‘usa nga daotan’ ug kon sa unsang paagi kita makalikay sa iyang gamhanang impluwensiya.” Ipasiugda ang artikulo nga nagsugod sa panid 12.

Ang Bantayanang Torre Mar. 1

“Daghang tawo ang nagtuo nga paingon ra sa Diyos ang tanang relihiyon. Sa imong hunahuna, hinungdanon ba kon unsang relihiyona ang pakig-aniban sa usa ka tawo? [Patubaga.] Palandonga kining tambaga. [Basaha ang 1 Juan 4:1.] Kining magasina naghisgot kon sa unsang paagi atong masulayan ang mga pagtulon-an kon kini gikan ba gayod sa Diyos. Kini nagpatin-aw usab kon sa unsang paagi nagsugod ang nagkalainlaing mga relihiyon.”

Pagmata! Mar.

“Sa imong hunahuna, unsa ang mga suliran nga giatubang sa mga batan-on karon? [Patubaga.] Kining tekstoha nagpasiugda sa usa ka suliran—ang pagbaton ug hustong matang sa mga higala. [Basaha ang Proverbio 13:20.] Kining magasina naghisgot sa mga kapeligrohan sa pagpangitag mga higala diha sa Internet ug kon sa unsang paagi mapanalipdan ang mga batan-on batok sa maong kapeligrohan.”