Pangutana

◼ Mahimo bang itaho sa amahan ug inahan ang oras nga ilang gigugol sa regular nga pagtuon sa pamilya sa Bibliya?

Bisag mga amahan ang pangunang responsable sa pagmatuto sa ilang mga anak “sa disiplina ug sa pagdumala-sa-kaisipan ni Jehova,” ang mga inahan nakigbahin usab sa pagbansay sa ilang mga anak. (Efe. 6:4) Ang Bibliya nag-awhag sa mga anak: “Anak ko, pamatia ang disiplina sa imong amahan, ug ayaw talikdi ang balaod sa imong inahan.” (Prov. 1:8) Ang usa ka hinungdanong paagi sa pagbansay sa mga ginikanan sa ilang mga anak mao ang pagtuon sa pamilya sa Bibliya.

Kaniadto, ang ginikanan lamang nga nagdumala sa pagtuon sa pamilya uban sa di-bawtismadong mga anak ang motaho sa oras bisag duha silang nakigbahin sa panaghisgot. Apan, adunay kausaban niini. Kon panahon sa pagtuon sa pamilya ang amahan ug inahan nagtinabangay sa pagtudlo sa ilang mga anak, nan silang duha makaihap ug usa ka oras kada semana. Hinuon, dili lang tingali usa ka oras ang magugol sa mga ginikanan sa pagtudlo sa ilang mga anak kada semana kay sila kanunay gayong nagbansay sa ilang mga anak. (Deut. 6:6-9) Apan ang ilang binulang mga taho sa pag-alagad sa kanataran angayng magpakita sa oras nga ilang gigugol sa pagsangyaw sa kanataran. Busa, usa lang ka oras ang iphon sa mga ginikanan kada semana bisag kapin pa sa usa ka oras ang pagtuon, bisag kadaghan pa kini gipahigayon sa usa ka semana, ug bisag tagsatagsa pa nilang gidumalahag pagtuon ang ilang mga anak. Usa lang ka ginikanan ang motaho sa pagtuon sa pamilya sa Bibliya ug usa lang usab ka balikduaw ang itaho matag semana.