Kon Unsay Isulti Bahin sa mga Magasin

Ang Bantayanang Torre Enero 1

“Sa imong hunahuna, may pagtagad ba ang Diyos sa pagkadaot sa yuta? [Patubaga. Dayon basaha ang Pinadayag 11:18.] Kining artikuloha naghisgot sa mga rason gikan sa Bibliya kon nganong makalaom kita nga adunay maayong kaugmaon ang yuta.” Ipakita ang artikulo sa panid 18.

Pagmata! Enero

“Daghan sa mga tawong nakasinatig mga problema nagtuo nga sila gisilotan sa Diyos. Mibati ka ba usab niana? [Patubaga. Dayon basaha ang Santiago 1:13.] Kining artikuloha nagsaysay sa tinuod nga hinungdan sa atong mga problema ug kon nganong makasalig kita nga ang atong mga kalisdanan hapit nang matapos.” Ipakita ang artikulo sa panid 28.

Ang Bantayanang Torre Pebrero 1

“Sa imong hunahuna, ang tanan bang relihiyon giuyonan sa Diyos? [Patubaga.] Matikdi kon unsay gihisgotan ni Jesus bahin niini. [Basaha ang Mateo 15:8, 9.] Kining artikuloha naghisgot kon giuyonan ba sa Diyos ang tanang matang sa pagsimba.” Ipakita ang artikulo sa panid 9.

Pagmata! Pebrero

“Ang atong planeta makasuportar gayod sa tanang may kinabuhi nga anaa niini. Sa imong hunahuna, kini ba sulagma lang nga mitungha, o dunay usa ka Maglalalang nga nagdisenyo niini? [Patubaga.] Daghang tawo ang mouyon niining bersikuloha. [Basaha ang Salmo 104:24.] Kini nga magasin naghisgot sa mga pamatuod gikan sa Bibliya ug sa siyensiya nga aduna gayoy usa ka Maglalalang.”