Kon Unsay Isulti Bahin sa mga Magasin

Ang Bantayanang Torre Enero 1

“Sa imong hunahuna, mas maayo kahang puy-an ang kalibotan kon ang tanan magkinabuhi sumala niini nga prinsipyo sa Bibliya? [Basaha ang Roma 12:18. Dayon patubaga.] Nakapangutana ka ba kon nganong ang Diyos usahay nagsugo sa iyang karaang katawhan sa pagpakiggubat? Gipakita niining artikuloha ang klarong tubag sa Bibliya.” Ipakita ang artikulo sa panid 13.

Pagmata! Enero

Basaha ang Buhat 17:31a. Dayon isulti kini: “Daghan ang nahadlok sa Adlaw sa Paghukom. Nahadlok ka ba usab niini? [Patubaga.] Ang Bibliya nagtudlo nga ang Adlaw sa Paghukom maghatag ug daghang panalangin nganhi sa yuta. Gipatin-aw kini niining artikuloha.” Ipakita ang artikulo sa panid 10.

Ang Bantayanang Torre Pebrero 1

“Daghan ang nagtuo nga moadto sila sa langit inigkamatay nila. Mao ba usab kanay imong pagtuo? [Patubaga.] Matikdi kon unsay ganti nga madawat sa daghang maayong tawo sumala sa Bibliya. [Basaha ang Salmo 37:29.] Gihisgotan niining magasina kon kinsay moadto sa langit ug kon unsay ilang buhaton didto sumala sa giingon sa Bibliya.”

Pagmata! Pebrero

“Daghan na kaayo ang nagdiborsiyo karon. Sa imong hunahuna, gipamalandong kaha nilag maayo ang tanang butang una pa sila midesisyon sa pagdiborsiyo? [Patubaga. Dayon basaha ang Proverbio 14:15.] Gihisgotan niining magasina ang upat ka butang nga angayng pamalandongon sa mga magtiayon nga nagplanong magdiborsiyo.”