Kon Unsaon Pagtanyag sa mga Magasin

Ang Bantayanang Torre Enero 1

Basaha ang Genesis 2:16, 17. Dayon moingon: “Ang uban moingon nga nahibalo nang daan ang Diyos nga makasala si Adan. Para sa pipila, dili makataronganon ang pasidaan sa Diyos kon nahibalo na siya sa resulta niana. Unsay imong ikasulti? [Patubaga.] Ang artikulo sa panid 13 nagsaysay kon giunsa paggamit sa Diyos ang iyang katakos nga masayran ang umaabot.”

Pagmata! Enero

“Gihunahuna sa uban nga ang relihiyosong pagtuo maoy pinasukad sa emosyon ug dili sa maayong pangatarongan. Unsay imong hunahuna? [Patubaga.] Sumala sa Bibliya, ang pagtuo angayng dunay lig-ong pasukaranan. [Basaha ang 1 Juan 4:1.] Ang artikulo sa panid 28 nagsaysay kon sa unsang paagi maseguro nga ang atong pagtuo aduna gayoy lig-ong pasukaranan.”

Ang Bantayanang Torre Pebrero 1

“Komon kaayo ang diborsiyo karon. Unsa kahay hinungdan niini? [Patubaga.] Matikdi kining tambag nga nakatabang sa daghang magtiayon. [Basaha ang 1 Corinto 10:24.] Kining magasina naghisgot ug unom ka komon nga reklamo sa mga bana ug asawa ug kon sa unsang paagi makatabang ang mga prinsipyo sa Bibliya.”

Pagmata! Pebrero

“Daghan karon ang nainteres sa espiritismo, mga bampira ug barangan. Sa imong hunahuna, wala ra bay daotan niana? [Patubaga.] Matikdi kining pasidaan sa Diyos ngadto sa karaang Israel. [Basaha ang Deuteronomio 18:10-12.] Kini nga magasin nagpakita kon unsay giingon sa Bibliya bahin sa espiritismo.”