Kon Unsay Isulti Bahin sa mga Magasin

Ang Bantayanang Torre Septiyembre 1

“Daghan ang nagtuo nga ang asoy sa Genesis bahin kang Adan ug Eva tinumotumo ra. Ang uban nagtuo nga si Adan ug Eva tinuod gayod nga mga tawo. Unsay imong hunahuna? [Patubaga.] Matikdi kon unsay giingon ni Jesus bahin kanila. [Basaha ang Marcos 10:6-9.] Kining artikuloha nagsusi sa mga ebidensiya ug nagsaysay kon nganong hinungdanon kon unsay atong gituohan.” Ipasiugda ang artikulo sa panid 12.

Pagmata! Septiyembre

Basaha ang 1 Juan 4:8. Dayon isulti kini: “Ang pipila nagtuo nga ang Diyos magsilot sa mga daotan sa walay kataposan diha sa nagkalayo nga impiyerno. Ang uban nagtuo nga ang maong pagtulon-an sukwahi sa teksto nga bag-o ra natong gibasa. Unsay imong hunahuna? [Patubaga.] Kining artikuloha nagpakita kon unsay gitudlo sa Bibliya bahin niana.” Ipakita ang artikulo sa panid 10.

Ang Bantayanang Torre Oktubre 1

“Kitang tanan makasinatig mga kalisdanan sa kinabuhi. [Paghisgot ug pipila nga komon sa inyong teritoryo.] Sa imong hunahuna, makatabang kaha ang Diyos sa atong mga problema? [Patubaga.] Sa Lucas 11:13 gipakita ni Jesus ang usa ka paagi nga ang Diyos motabang kanato. [Basaha.] Kining magasina nagsaysay kon unsa ang balaang espiritu ug kon sa unsang paagi kini makatabang kanato.”

Pagmata! Oktubre

“Natural lang nga ang matag pamilya makasinatig mga problema. Sa imong hunahuna, asa kaha sila makakitag kasaligan ug praktikal nga mga tambag? [Patubaga. Dayon basaha ang Salmo 32:8.] Kining espesyal nga gula sa Pagmata! naghisgot sa pipila ka espesipikong mga prinsipyo sa Bibliya nga kon ipadapat makatabang sa mga pamilya.”