Kon Unsay Isulti Bahin sa mga Magasin

Ang Bantayanang Torre Septiyembre 1

“Usahay ang mga tawo makahimog daotan tungod sa ilang sayop nga kadasig sa relihiyon. Ngano kahang nalimbongan sila? [Patubaga.] Matikdi ang giingon sa Bibliya. [Basaha ang 1 Juan 4:1.] Kining artikuloha naghisgot kon nganong angay natong susihon kon nahiuyon ba sa Bibliya ang atong mga gituohan.” Ipakita ang artikulo sa panid 10.

Pagmata! Septiyembre

Basaha ang Mateo 5:39. Dayon isulti kini: “Gipasabot ba ni Jesus nga kon buhatan tag daotan sa uban magpakahilom na lang ta? [Patubaga.] Gihisgotan niining artikuloha kon unsay giingon sa Bibliya bahin pagdepensa sa kaugalingon ug sa pagpangayog tabang sa awtoridad.” Ipakita ang artikulo sa panid 10.

Ang Bantayanang Torre Oktubre 1

“Ang tanang tawo sa kalibotan, bisag lainlaig relihiyon, nag-ampo. Dunggon kaha sa Diyos ang mga pag-ampo? [Patubaga.] Ang Bibliya nagdasig kanato sa pag-ampo. [Basaha ang Filipos 4:6, 7.] Gihisgotan niining magasina ang tubag sa Bibliya sa pito ka kasagarang pangutana bahin sa pag-ampo.”

Pagmata! Oktubre

“Kanunay kitang makadungog bahin sa mga tawo nga giluiban sa ilang mga kapikas, sa mga politiko, ug sa uban. Makakita pa kaha kitag kasaligang mga tawo? [Patubaga.] Daghan ang mouyon nga tinuod gayod kining tekstoha. [Basaha ang 2 Timoteo 3:1-5.] Gihisgotan niining magasina nga makakita gihapon kitag kasaligang mga tawo.”