Pangutana

◼ Unsay inyong buhaton kon kamo pahunongon sa pagsangyaw?

Dihay mga higayon nga giduol sa mga polis ang mga magmamantala nga nagsangyaw, gisultihan sila nga supak sa balaod ang ilang gihimo, ug gipahunong sila sa pagsangyaw. Kon kamo mandoan sa pagbuhat niana, angay kamong mobiya dayon sa teritoryo sa matinahorong paagi. (Mat. 5:41; Filip. 4:5) Ayaw pagpakiglantugi bahin sa atong legal nga mga katungod. Kon posible, kuhaa ang ngalan o numero sa polis ug sa ilang presinto sa mataktikanhong paagi. Human niana, ipahibalo dayon kana ngadto sa mga ansiyano aron ilang itaho sa sangang buhatan ang maong panghitabo. Sa samang paagi, kon kamo papahawaon sa nagbantay sa usa ka apartment o mga tinukod, angay dayon kamong mobiya sa maong mga dapit ug magtaho niana sa mga ansiyano. Ang kalumo ug kamapaubsanon atubangan niadtong anaa sa awtoridad makatabang gayod aron malikayan ang uban pang problema.—Prov. 15:1; Roma 12:18.