Gigamit Ba Nimo ang Likod nga Hapin?

Kon ang mga tawo mopunit ug magasin, sagad sila motan-aw sa atubangan ug dayon sa likod nga hapin niini. Makita sa likod nga hapin sa publikong edisyon sa Bantayanang Torre ang pipila ka makapaikag nga mga pangutana ug mga punto lakip ang mga panid nga nagpakita kon asa makaplagan ang mga impormasyon niini.

Kini nga bahin makahatag natog maayong mga ideya kon unsang mga pangutanaha nga atong magamit sa pagsugod ug panaghisgot. Kon kanunay nang gikobrehan ang teritoryo, mapailin-ilin nato ang atong presentasyon pinaagi sa paggamit ug lainlaing mga pangutana sa tibuok bulan. Kon puliki ang tagbalay, pamub-on nato ang atong presentasyon pinaagi sa pagpakita sa usa sa mga pangutana diha sa likod nga hapin ug moingon, “Kon buot kang masayod sa tubag niini, puwede nakong ibilin kini nga mga magasin, ug ato kining dugang hisgotan kon duna ka nay panahon.” Tingali buot sugdan sa ubang mga magmamantala ang panaghisgot pinaagi sa pagpakita sa likod nga hapin ngadto sa tagbalay ug papilion siyag pangutana nga makapainteres kaniya. Dayon ilang ipakita kon asa ang tubag niini ug basahon ang usa ka teksto nga gipili nang daan. Tingali duna kay laing mga paagi nga magamit ang hapin sa likod aron ang usa maikag sa pagbasa sa Bantayanang Torre.