Presentable pa ba Kini?

Maayo kining ipangutana sa kaugalingon sa dili pa motanyag ug mga publikasyon. Ngano? Kay ang gusbat ug hugawng mga publikasyon dili makahatag ug maayong impresyon sa tagbalay bahin sa atong organisasyon ug sa mensahe niini nga makaluwas ug kinabuhi.

Unsay atong himoon aron kanunay kining presentable? Nakita sa uban nga maayong ibutang sa lainlaing dibisyon sa ilang bag ang mga libro, magasin, brosyur, tract, ug uban pa. Ayohon usab nilag balik sa bag ang ilang Bibliya o bisan unsang publikasyon nga gigamit aron dili kini madaot. Ang uban nagbutang niini sa mga folder o plastik bag. Bisag unsay atong himoon, paningkamotan nato nga kanunay kining presentable aron ang uban dili makasaway sa atong ministeryo.—2 Cor. 6:3.