Makabenepisyo Ka ba sa Pinayanong Edisyon?

Ang tun-anang edisyon sa The Watchtower mabatonan na karon sa pinayanong Iningles nga edisyon. Kini gitagana alang sa (1) nagsultig Iningles nga mga magmamantala nga makapahimulos sa simpleng mga pulong, tingali tungod sa limitadong edukasyon; (2) mga magmamantala kansang pangunang pinulongan dili Iningles; (3) mga batan-on, apil kadtong nagtungha pa sa elementarya; ug (4) mga gitun-an sa Bibliya nga nagkinahanglag mas simple ug klaro nga mga pulong aron masabtan ang espirituwal nga mga butang.

Ang mga numero sa parapo, mga pangutana, ug mga ulohan susama ra sa regular nga edisyon. Ang impormasyon parehas ra gayod, apan ang mga pulong nga gigamit mas simple. Bisag ang nagdumala ug ang magbabasa sa Watchtower Study mogamit sa regular nga edisyon gawas lang kon ang kadaghanang tumatambong naggamit sa pinayanong edisyon, kadtong naggamit sa pinayanong edisyon makakita sa samang mga teksto ug mga ilustrasyon, makasunod sa pagbasa sa mga parapo, ug makaambit sa pagkomento.

Si bisan kinsa nga naghunahuna nga makabenepisyo niini nga edisyon angayng mag-order sa alagad sa magasin.