Jehovah’s Witnesses—Faith in Action, Part 2: Let the Light Shine
Human buhii niadtong 1919 si Brader Rutherford ug ang iyang mga kauban, may dakong buluhatong nagpaabot sa mga Estudyante sa Bibliya. Sumala sa gipakita sa video nga Jehovah’s Witnesses—Faith in Action, Part 2: Let the Light Shine, daghan ang misupak sa mga Estudyante sa Bibliya, padayong miuswag ang ilang pagsabot sa Kasulatan, ug nadalisay ang ilang pagtuo. (Prov. 4:18; Mal. 3:1-3; Juan 15:20) Human matan-aw ang video, matubag ba nimo kini nga mga pangutana?
(1) Unsang mga paagi ang gigamit sa mga Estudyante sa Bibliya sa pagpakaylap sa maayong balita? (2) Unsay gipahibalo sa halandomong kombensiyon sa 1931 ug 1935? (3) Unsang hinungdanong punto ang gipasiugda sa The Watchtower, Nobyembre 1, 1939? (4) Unsay nahitabo didto sa Madison Square Garden sa pakigpulong ni Brader Rutherford sa ulohang “Government and Peace”? (5) Nganong makapainteres ang pakigpulong ni Brader Knorr nga “Peace—Can It Last?” (6) Unsay giplano sa mga Saksi ni Jehova niadtong 1942 aron mapakaylap ang pagsangyaw? (7) Unsa ang pipila ka kaso sa korte nga atong gisang-at sa United States, Canada, ug Greece? (8) Unsa ka hinungdanon ang Gilead sa pagpakaylap sa pagsangyaw? (9) Unsang hinungdanong buluhaton ang gisugdan niadtong 1946, ug ngano? (10) Unsang mga lakang ang gihimo sa mga Saksi ni Jehova aron ang ilang panggawi mahiuyon sa mga sukdanan sa Bibliya? (11) Hisgoti ang pipila ka kausabang gihimo sa organisasyon sa katuigang 1970 aron masunod pag-ayo ang sumbanan sa Bibliya. (12) Sa unsang paagi kini nga video mas nakapakombinsir nimo nga kini nga organisasyon iya ni Jehova ug kini bug-os niyang kontrolado? (13) Sa unsang paagi kini nga video nakapalig-on kanimo nga padayong magmasiboton sa pagsangyaw bisan sa kababagan? (14) Sa unsang paagi magamit kini nga video sa pagtabang sa atong mga paryente, gitun-an sa Bibliya, ug sa uban?
Sa matag adlaw may madugang nga anib sa kasaysayan sa mga Saksi ni Jehova. Unsa kahay makita sa rekord bahin sa atong paningkamot sa ministeryo? Sama sa gihimo kaniadto sa atong mga igsoon, hinaot padayon natong ‘ipasidlak ang kahayag’!—2 Cor. 4:6.