Atong Opisyal nga Web Site—Gamita Kini Aron Tabangan ang Usa nga Nagsultig Laing Pinulongan
Ipakita Kaniya ang Atong Web Site: Ipakita kaniya kon unsaon paggamit ang “Site Language” aron makita ang Web site diha sa iyang pinulongan. (Sa pipila ka pinulongan, gamayng bahin lang sa site ang mabatonan.)
Pakitai Siyag Web Page Diha sa Iyang Pinulongan: Ipakita ang usa ka panid gikan sa usa sa atong mga publikasyon, sama sa librong Gitudlo sa Bibliya o sa tract nga Mahibalo sa Kamatuoran. Pilia ang pinulongan sa tagbalay diha sa “Read In.”
Papaminawa Siyag Usa ka Artikulo: Pangitag artikulo nga may audio rekording sa pinulongan sa tagbalay, ug i-play kini. Kon ikaw nagtuon ug laing pinulongan, mas dali kang makakat-on kon ikaw mamatig audio rekording sa maong pinulongan samtang magbasa.—Tan-awa ang “Publications/Books and Brochures” o “Publications/Magazines.”
Pagsangyaw Ngadto sa Amang: Kon makahibalag kag amang, i-play ang usa ka video sa senyas nga pinulongan sa usa ka kapitulo sa Bibliya, libro, brosyur, o tract.—Tan-awa ang “Publications/Sign Language.”
[Dayagram sa panid 6]
(Alang sa aktuwal nga pagkahan-ay, tan-awa ang publikasyon)
Sulayi Kini
1 I-click ang ▸ aron i-play ang napiling audio rekording (kon mabatonan sa imong pinulongan) o ang usa sa mga kapilian sa “Download Options” aron i-download ang publikasyon.
2 Pagpilig laing pinulongan diha sa “Read In” aron ipakita kini nga page sa maong pinulongan.
3 I-click ang “Next” o ang “Table of Contents” aron basahon ang sunod nga artikulo o kapitulo.