Atong Opisyal nga Web Site—Gamita Kini sa Imong Ministeryo
Dasiga ang mga Tawo sa Paggamit Niini: Ang pipila nga magpanuko sa pagpakig-estorya kanato o sa pagdawat ug literatura lagmit interesadong mosusi bahin sa mga Saksi ni Jehova pinaagi sa jw.org diha sa ilang balay. Busa sultihi ang uban bahin sa Web site kon may kahigayonan.
Tubaga ang mga Pangutana: Usahay, ang usa ka tagbalay, interesado, o kaila mangutana bahin sa mga Saksi ni Jehova o sa atong tinuohan. Ipakita dayon kaniya ang tubag gamit ang computer, cellphone o tablet. Sagad labing maayong basahon diha sa Bibliya ang gisitar nga mga teksto. Kon wala kay magamit dayong cellphone o tablet nga may Internet, ipatin-aw kon unsaon paggamit ang jw.org aron siya mismo ang makakita sa tubag.—Tan-awa ang “Bible Teachings/Bible Questions Answered” o “About Us/Frequently Asked Questions.”
Pagpadalag Usa ka Artikulo o Publikasyon sa Imong Kaila: I-attach ang usa ka gi-download nga PDF o EPUB sa usa ka e-mail. O i-download ang audio rekording sa usa ka publikasyon diha sa usa ka CD. Matag higayon nga mohatag ka sa usa nga dili bawtismado ug kompletong elektronik nga libro, brosyur, o magasin, ikareport nimo kini ingong napahimutang nga literatura. Ayaw pagpadala nga di ka magpaila o nga dinaghan. Ayaw kini i-upload sa ubang Web site.—Tan-awa ang “Publications.”
Ipakita ang Kinabag-ohang Balita Bahin sa mga Saksi ni Jehova: Kini makatabang sa mga Bible study ug ubang balikduaw nga maugmad ang apresasyon alang sa atong tibuok kalibotang buluhaton ug Kristohanong panaghiusa. (Sal. 133:1)—Tan-awa ang “News.”
[Dayagram sa panid 5]
(Alang sa aktuwal nga pagkahan-ay, tan-awa ang publikasyon)
Sulayi Kini
1 Ubos sa “Publications,” pilia ang gusto nimong i-download, ug i-click ang format nga gusto nimo.
2 I-click ang MP3 button aron makita ang listahan sa indibiduwal nga mga artikulo. I-click ang ulohan sa artikulo kon kini i-download o ang ▸ kon kini paminawon online.
3 Pagpilig laing pinulongan gikan niini nga listahan kon gusto nimong i-download ang usa ka publikasyon diha sa maong pinulongan.