Paghisgot ug Usa ka Topiko, Apan Pagbilin ug Duha ka Magasin

Ang atong mga magasin adunay nagkalainlaing makapainteres nga topiko. Inay hisgotan ang daghang topiko, mas maayong maghisgot ug usa lang. Kon nasinati ta kon unsay sulod sa atong mga magasin ug mapaniiron sa tagbalay, makapili tag artikulo sa Bantayanang Torre o Pagmata! nga makapainteres kaniya. Pananglitan, kon may makita tang mga dulaan diha sa balay, mahimong hisgotan nato ang artikulo bahin sa pamilya. Kon lalaki ang moatubang, makahisgot tag topiko nga makapainteres kaniya, sama sa maayong panggobyerno. Bisag usa ra ka topiko ang atong hisgotan, sagad duha ka magasin ang angay natong ibilin sa tagbalay kon siya interesado.