“Modawat Ko sa Inyong Basahon Kon Modawat pod Ka sa Amo”

Kanay isulti sa pipila ka tagbalay. Kay dili man nato ibaylo ang atong publikasyon sa basahon sa ubang relihiyon nga nagsabwag ug kabakakan, unsaon nato pagtubag sila nga mataktikanhon? (Roma 1:25) Makaingon ta: “Salamat sa imong gitanyag. Naghisgot ba kana ug solusyon sa mga problema sa mga tawo? [Patubaga. Kon siya moingon nga basahon lang nimo kana aron mahibaloan ang tubag, ingna siya nga dihang gitanyag nimo ang imong magasin, gisulti nimo kon unsay unod niini. Unya basaha o kutloa ang Mateo 6:9, 10.] Gipasabot dinhi ni Jesus nga ang Gingharian sa Diyos maoy gamiton sa pagtuman sa kabubut-on sa Diyos dinhi sa yuta. Busa, mobasa lang ko ug relihiyosong basahon nga nagtuboy sa Gingharian sa Diyos. Puwede bang ipakita nako nimo gikan sa Bibliya ang pipila ka butang nga himoon sa Gingharian sa Diyos?”