Unsay Imong Himoon Panahon sa Pista Opisyal?

Tungod kay daghang tawo ang anaa ra sa balay panahon sa pista opisyal, maayong panahon kini sa pagsangyaw. Ang mga kongregasyon gidasig sa paghimog kahikayan sa pagsangyaw niining panahona. Kon udto nang momata ang mga tawo, mas maayong ipasibo ang oras sa tigom alang sa pagsangyaw. Ipahibalo diha sa Tigom sa Pag-alagad ang bisan unsang kahikayan sa pagsangyaw panahon sa pista opisyal, nga magdasig sa tanang makahimo sa pagpakigbahin. Siyempre, kini higayon usab sa pagpahulay o pag-atiman sa personal nga mga butang. Apan mahimo ba natong gamiton ang pipila ka oras nianang adlawa sa pagsangyaw? Seguradong malipay kita sa pagpakigbahin sa sagradong pag-alagad.—Mat. 11:29, 30.