Bag-ong Galamiton sa Pagpanukiduki

Minilyong magmamantala sa tibuok kalibotan ang nakapahimulos sa Watch Tower Publications Index sa pagpanukiduki. Pero detalyado kaayo kini, mao nga gihubad ra kini sa pipila ka pinulongan. Sa laing bahin, ang Giya sa Pagpanukiduki Para sa mga Saksi ni Jehova gihimo sa 170 ka pinulongan. Ang mga reperensiya sa Giya sa Pagpanukiduki sagad gikan sa tuig 2000 paabante. Sa mga pinulongan nga may naimprentang edisyon sa Index, ang Giya sa Pagpanukiduki mabatonan lang sa electronic format, nga mao, ang Watchtower Library ug Watchtower—ONLINE NGA LIBRARYA. Makatabang ang Giya sa Pagpanukiduki sa pagpangitag tubag sa mga pangutana sa Bibliya, pagsusig impormasyon bahin sa personal nga mga kabalaka, ug pagpangandam para sa mga tigom ug pamilyahanong pagsimba.