Masibotong Magdinasigay Alang sa Maayong mga Buhat

Giawhag ta sa Hebreohanon 10:24 nga ‘magmahunahunaon sa usag usa aron sa pagdasig sa paghigugma ug sa maayong mga buhat.’ Makadasig sa mga igsoon ang atong ehemplo ug pagpahayag sa atong pagtuo. Isulti kanila ang imong maayong mga kasinatian. Ipakitang malipayon ka sa pag-alagad kang Jehova. Apan ayaw sila itandi kanimo o sa uban. (Gal. 6:4) Gamita ang imong maayong mga hiyas aron dasigon ang uban sa “paghigugma ug sa maayong mga buhat,” dili aron konsensiyahon sila. (Tan-awa ang Tunghaan sa Ministeryo, p. 158, par. 4.) Kon dasigon nato ang uban sa paghigugma, mosunod ang maayong mga buhat sama sa paghatag ug materyal nga tabang o pagsangyaw.—2 Cor. 1:24.