Pagpauswag sa Atong Kahanas sa Ministeryo—Pagsugod ug Ruta sa Magasin

Kon Nganong Hinungdanon: Daghan sa mga tawo nga ganahang mobasa sa atong mga magasin dili gustong magpa-Bible study. Tingali kontento na sila sa ilang relihiyon, o kaha moingon nga wala silay panahon sa pagtuon. Apan, sa ilang regular nga pagbasa sa atong mga magasin, basin mapukaw ra ang ilang interes sa Pulong sa Diyos. (1 Ped. 2:2) Tingali usa ka artikulo ang makatandog sa ilang kasingkasing, o kaha mausab na ang ilang kahimtang. Tungod sa atong regular ug dili dugayng pagduaw, sila mobating mas komportable kanato ug kini makatabang kanato sa pagkahibalo sa ilang mga problema ug kon unsay makapainteres kanila. Ngadtongadto, mahimong sugdan ang pag-Bible study.