Tabangi ang Imong Pamilya sa Paghinumdom Kang Jehova

Si Jeremias gisugo sa pagpasidaan sa mga Hudiyo bahin sa umaabot nga kalaglagan tungod kay sila nakalimot sa ilang Diyos, si Jehova. (Jer 13:25) Nganong nadaot ang espirituwalidad sa nasod? Ang Israelinhong mga pamilya nawad-an sa ilang espirituwalidad. Dayag nga ang mga ulo sa pamilya wala motuman sa sugo ni Jehova nga narekord diha sa Deuteronomio 6:5-7.

Ang mga pamilya nga lig-on ug espirituwalidad makadugang sa kalig-on sa atong mga kongregasyon karon. Ang mga ulo sa pamilya makatabang sa ilang pamilya sa paghinumdom kang Jehova pinaagi sa regular ug mapuslanong programa sa Pamilyahanong Pagsimba. (Sal 22:27) Human matan-aw ang video nga “Kining mga Pulonga . . . Kinahanglan nga Maanaa sa Imong Kasingkasing”—Interbiyo sa mga Pamilya, tubaga kini nga mga pangutana:

• Sa unsang paagi malamposong naatubang sa ubang pamilya ang kasagarang kababagan sa pamilyahanong pagsimba?

• Unsay mga kaayohan sa paghimog regular ug mapuslanong programa sa Pamilyahanong Pagsimba?

• Kon bahin sa pamilyahanong pagsimba, unsang mga kababagan ang akong giatubang, ug unsay akong himoon sa pagsulbad niini?