Abiabiha Silag Maayo

Kinsay atong abiabihon ug maayo? Ang tanang manambong sa atong Kristohanong mga tigom​—mga nanambong sa unang higayon ug dugay nang mga higala. (Rom 15:7; Heb 13:2) Mahimong sila mga isigkamagtutuo gikan sa laing nasod o dili aktibong Kristohanon nga motambong sa unang higayon sulod sa daghang tuig. Hunahunaa kon unsay imong bation kon ikaw pay anaa sa maong kahimtang. Dili ka ba malipay kon abiabihon kag maayo? (Mat 7:12) Busa paningkamot sa pagduol sa mga igsoon ug sa pagpakig-estorya sa uban una pa magsugod ug pagkahuman sa tigom. Kini makadugang sa malipayon ug mahigugmaong panag-ubanay ug makahatag ug pasidungog kang Jehova. (Mat 5:16) Siyempre, dili nato maestorya ang tanan. Pero ang tanan mobati nga sila giabiabig maayo kon himoon nato ang atong bahin.a

Ang pagkamaabiabihon ikapakita dili lang sa espesyal nga okasyon sama sa Memoryal kondili sa tanang panahon. Dihang makita ug masinati sa mga nanambong sa unang higayon ang Kristohanong gugma, lagmit sila mapalihok sa pagdayeg sa Diyos ug makig-uban nato sa putli nga pagsimba.​—Ju 13:35.