BAHANDI GIKAN SA PULONG SA DIYOS | JEREMIAS 44-48
Hunong na sa “Pagtinguha ug Dagkong mga Butang Alang sa Imong Kaugalingon”
Lagmit si Baruk maoy usa ka edukadong opisyal sa palasyo sa hari. Bisag siya nagsimba kang Jehova ug matinumanong nagtabang kang Jeremias, dihay panahon nga nawad-an siya sa iyang panimbang. Misugod siya sa “pagtinguha ug dagkong mga butang,” tingali nagtinguha siya nga mahimong mas prominente sa palasyo sa hari o lagmit nagtinguhang madato. Kinahanglan niyang bag-ohon ang iyang panghunahuna aron makalabang buhi sa duol na nga kalaglagan sa Jerusalem.