Pagpauswag sa Atong Kahanas sa Ministeryo​—Pagbalikduaw

KON NGANONG IMPORTANTE: Daghang interesado sa mensahe sa Gingharian ang gustong masayod sa kamatuoran bahin sa Diyos. (Isa 55:6) Aron progresibo nato silang matudloan, kinahanglan nato silang balikbalikan. Nagkadaiyang problema ang giatubang sa mga tawo, maong ipahaom nato ang atong paagi sa pag-ugmad sa ilang interes. Pero mahimo tang mas epektibo kon mangandam ta pag-ayo ug maghimog tumong sa matag balikduaw, nga maningkamot aron makasugod ug Bible study.

KON UNSAON PAGHIMO:

• Paningkamoting makabalik dayon, lagmit sa pipila ka adlaw.​—Mat 13:19

• Magmahigalaon, magmatinahoron, ug ayaw padaog sa kakulba

• Sugdi pinaagig mainitong pagtimbaya. Sangpita ang iyang ngalan. Sultihi siya nganong mibalik ka​—tingali aron tubagon ang pangutana, hatagag bag-ong magasin, o ipakita atong website, video, o kon unsaon pagtuon ang Bibliya. Ipasibo imong presentasyon kon mamatikdan nimong mas interesado siyag laing topiko.​—Flp 2:4

• Bisbisi ang binhi nga natanom sa iyang kasingkasing pinaagi sa paghisgot ug usa ka punto sa Bibliya ug sa pagbilin ug literatura. (1Co 3:6) Paningkamoti nga mobati siyang komportable nimo

• Paghimog pundasyon alang sa sunod duaw