Unsay Imong Makat-onan sa Orihinal nga mga Kanta?

Unsang orihinal nga mga kanta ang imong paborito? Ngano? Imo bang namatikdan nga ang mga esena sa mga music video nagpakita sa atong adlaw-adlawng pagkinabuhi? Kay daghan man tag kapilian nga tema ug style sa musika, seguradong ang matag usa nato naa gyoy maangayan. Pero ang orihinal nga mga kanta ug mga music video wala lang himoa aron malingaw ta.

Ang matag orihinal nga kanta nagtudlog mga leksiyon nga mapadapat nato sa atong Kristohanong kinabuhi ug ministeryo. Ang pipila ka kanta nagpokus sa pagkamaabiabihon, panaghiusa, panaghigalaay, kaisog, gugma, o pagtuo. Ang ubang kanta naghisgot bahin sa pagbalik kang Jehova, pagpasaylo, pagpabiling matinumanon kada adlaw, ug pagpangab-ot ug espirituwal nga mga tumong. Gani, naa poy kanta bahin sa balanseng paggamit ug cellphone. Unsa pay imong nakat-onan sa orihinal nga mga kanta?

TAN-AWA ANG VIDEO SA ORIHINAL NGA KANTA NGA JUST AROUND THE CORNER, UG TUBAGA ANG MOSUNOD NGA MGA PANGUTANA:

• Unsang mga panalangin sa umaabot ang giimadyin sa edarang magtiayon?—Gen 12:3

• Sa unsang paagi nato mapalig-on ang atong pagtuo sa katakos ni Jehova sa pagtuman sa iyang mga saad?

• Unsang malipayong mga reunion ang duol na kaayong mahitabo?

• Sa unsang paagi ang paglaom sa Gingharian makatabang nato nga makalahutay sa presenteng mga pagsulay?—Rom 8:25