Tip sa Pagtuon

I-memorize ang Atong Espirituwal nga mga Awit

“Dihang ma-depress ko o maguol pag-ayo, ginadasig ko ni Jehova pinaagi sa mga kanta sa JW Broadcasting^®.”—Lorraine, U.S.A.

Ang espirituwal nga mga awit dugay nang bahin sa Kristohanong pagsimba. (Col. 3:16) Kon imong i-memorize kini nga mga kanta, makatabang ni nimo bisan dihang wala kay songbook o gadyet. Sulayi ang mosunod nga mga tip aron ma-memorize nimo ang mga kanta.

• Basaha pag-ayo ang lyrics aron masabtan nimo ang kahulogan. Mas dali nimong mahinumdoman ang impormasyon kon imo ning masabtan. Ang lyrics sa tanan natong awit, apil ang orihinal nga mga kanta ug ang kanta para sa mga bata, makita sa jw.org. Sa seksiyon nga Librarya, i-click ang Musika.

• Isulat ang mga lyrics. Makatabang ni nga mas mahinumdoman nimo ang mga pulong.—Deut. 17:18.

• Pagpraktis. Kusga pagbasa o pagkanta ang awit ug balikbalika kini.

• Sulayi kon na-memorize na ba nimo. Testingi nga dili magtan-aw sa lyric sheet aron imong mahibaloan kon na-memorize na ba nimo ang kanta.