Nakabenepisyo ba Ka sa Pagsusi sa Kasulatan sa Adlaw-Adlaw?

Apil ba sa imong espirituwal nga rutina ang pagbasa sa teksto sa Bibliya ug mga komento sa Pagsusi sa Kasulatan sa Adlaw-Adlaw? Kon dili, puwede ba nimo kining iapil? Daghan ang nagbasa sa inadlawng teksto sayo sa buntag aron mapamalandong nila kini samtang maghimo sa ilang mga buluhaton tibuok adlaw. (Jos 1:8; Sal 119:97) Sa unsang paagi mas makabenepisyo ka sa inadlawng teksto? Basaha ang konteksto sa bersikulo aron masayran ang dugang impormasyon bahin niini. Paghunahunag asoy sa Bibliya nga nag-ilustrar sa prinsipyo nga gipasiugda sa teksto. Dayon, ipadapat ang maong prinsipyo sa imong kinabuhi. Kon ang Pulong sa Diyos maoy imong basehanan sa paghimog mga desisyon, kini maggiya sa imong kinabuhi ug maghatag nimog kaayohan.—Sal 119:105.

Ang pamilyang Bethel sa tibuok kalibotan nagkonsiderar sa Pagsusi sa Kasulatan sa Adlaw-Adlaw sa tingpamahaw. Sukad sa miaging mga tuig, ang kadaghanang video niini giapil sa JW Broadcasting^® sa category nga PROGRAMA UG OKASYON. Kanus-a ka ulahing nakatan-aw niini nga mga video? Lagmit naay pipila ka tema niini nga mao gyoy imong gikinahanglan. Pananglitan, sa unsang paagi ang asoy bahin kang Lot makatabang nimo dihang mohimog mga desisyon?

TAN-AWA ANG VIDEO NGA “AYAW HIGUGMAA ANG KALIBOTAN” (1JU 2:15), DAYON TUBAGA ANG MOSUNOD NGA MGA PANGUTANA:

• Unsang prinsipyo sa Bibliya ang gibasehan niini nga Morning Worship?

• Sa asoy bahin kang Lot, nganong peligroso ang paghigugma sa kalibotan o sa mga butang niini?—Gen 13:12; 14:12; 19:3, 12, 13, 24-26

• Unsaon nato pagpakita nga si Jehova ang atong gihigugma ug dili ang kalibotan o ang mga butang niini?