Kinsay Akong Imbitahon?

Kada tuig, naningkamot tang imbitahon ang mga tawo sa atong teritoryo aron makatambong sila sa Memoryal uban nato. Daghan nila ang dili nato kaila. Pero imbitahon sab nato ang atong mga kaila. Kadtong mga nakadawat ug imbitasyon gikan sa ilang mga higala sagad mao ang motambong. (yb08 11-12 ¶3; 14 ¶1) Kinsay puwede nimong imbitahon?

• Mga paryente

• Mga katrabaho o eskolmet

• Mga silingan

• Mga balikduaw ug mga Bible study nimo sa una ug karon

Dugang pa, imbitahon sa mga ansiyano ang mga dili aktibo. Komosta kon ang imong higala nagpuyo sa laing lugar? Imong makita ang oras ug lokasyon sa Memoryal sa lugar diin siya nagpuyo pinaagi sa pag-click sa BAHIN KANAMO nga tab ibabaw sa home page sa jw.org, dayon i-click ang “Memoryal.” Samtang mangandam ka para sa Memoryal niining tuiga, hunahunaa kon kinsay imong imbitahon, dayon imbitaha sila.