Magpabiling Andam sa Ulahing Bahin sa “Kataposang mga Adlaw”

Samtang nagkinabuhi ta sa ulahing bahin sa “kataposang mga adlaw,” dahomon nato nga mosamot pa ang mga problema. (2Ti 3:1; “pangs of distress” study note sa Mat 24:8, nwtsty-E) Dihang dunay kalamidad, ang katawhan ni Jehova sagad makadawat ug direksiyon nga haom sa panahon ug makaluwas sa kinabuhi. Ang atong kaluwasan sa umaabot mahimong magdepende sa atong pagpangandam karon, sa espirituwal ug sa pisikal.—Luc 16:10.

• Pangandam sa espirituwal: Pagbaton ug maayong rutina. Tun-i ang lainlaing klase sa pagministeryo. Ayaw katarantar kon temporaryo kang mabulag sa mga igsoon sa kongregasyon. (Isa 30:15) Dili gyod ka mabulag kang Jehova ug Jesus.—od 176 ¶15-17

• Pangandam sa pisikal: Gawas sa mga go bag, ang matag pamilya kinahanglang dunay igoigong pagkaon, tubig, tambal, ug ubang importanteng butang kon kinahanglan silang mopuyo sa usa ka lugar sa taastaas nga panahon.—Pr 22:3; g17.5 4, 6

TAN-AWA ANG VIDEO NGA ANDAM BA KA SA KALAMIDAD? DAYON TUBAGA ANG MOSUNOD NGA MGA PANGUTANA:

• 

  Sa unsang paagi makapangandam ta sa espirituwal?

• 

  Nganong importante nga . . .

  • naa tay maayong komunikasyon sa mga ansiyano?

  • naa tay emergency kit?

  • hisgotan ang lainlaing klase sa kalamidad nga posibleng mahitabo ug kon unsay himoon sa matag situwasyon?

• 

  Unsa ang tulo ka paagi nga makatabang ta sa uban dihang makasinati silag kalamidad?

PANGUTAN-A ANG KAUGALINGON, ‘Unsang mga leksiyon bahin sa pagpangandam ang akong makat-onan sa COVID-19 nga pandemic?’