Andam ba Ka sa mga Kagubot?

Samtang nagkaduol ang kataposan, dahomon nato nga magkagrabe ang kagubot, terorismo, ug gubat. (Pin 6:4) Unsaon nato pagpangandam para sa umaabot nga mga kalisdanan?

• Pangandam sa espirituwal: Susiha ang mga prinsipyo ug mga asoy sa Bibliya nga makapalig-on sa imong pagsalig kang Jehova ug sa iyang organisasyon ug makatabang nimo nga magpabiling neyutral. (Pr 12:5; jr 125-126 ¶23-24) Karon na ang panahon nga makigsuod sa mga igsoon diha sa kongregasyon.​—1Pe 4:7, 8

• Pangandam sa pisikal: Paghimog plano kon ugaling dili puwedeng mobiya sa balay ug pag-andam ug rasonableng mga suplay. Pagplano sab kon unsay imong himoon kon kinahanglan kang mobiya sa inyong balay. I-check ang sulod sa imong go bag, ug butangi kinig kuwarta ug personal protective equipment, sama sa gloves ug mask. Sayra kon unsaon pagkontak ang mga ansiyano, ug seguroa nga makontak ka nila.​—Isa 32:2; g17.5 3-7

Panahon sa kagubot, ipadayon ang imong espirituwal nga rutina. (Flp 1:10) Ayaw pagbalhinbalhin gawas kon kinahanglan kang mobakwet. (Mat 10:16) Panghatag ug pagkaon ug ubang suplay.​—Rom 12:13.

TAN-AWA ANG VIDEO NGA ANDAM BA KA SA KALAMIDAD? DAYON TUBAGA ANG MOSUNOD NGA MGA PANGUTANA:

• Unsaon ta pagtabang ni Jehova panahon sa kalamidad?

• Unsang praktikal nga mga butang ang atong mahimo aron maandam ta?

• Unsaon nato pagtabang ang mga naapektohan sa kalamidad?