Sa Unsang Paagi ang mga Sister Makapangab-ot ug Tumong?

Ang mga sister dakog tabang sa buluhaton sa Gingharian. (Sal 68:11) Sila nagdumalag daghang pagtuon sa Bibliya. Daghan sa mga regular payunir maoy mga sister. Linibo ka kugihang mga sister ang nag-alagad ingong Bethelite, misyonaryo, construction volunteer o servant, ug maghuhubad. Ang hamtong nga mga sister nagpalig-on sa ilang pamilya ug sa kongregasyon. (Pr 14:1) Bisag ang mga sister dili mahimong ansiyano o ministeryal nga alagad, sila makapangab-ot gihapon ug tumong sa kongregasyon. Kon sister ka, unsang mga tumong ang puwede nimong kab-oton?

• Mag-ugmad ug Kristohanong mga hiyas.—1Ti 3:11; 1Pe 3:3-6

• Motabang sa dili kaayo eksperyensiyado nga mga sister sa kongregasyon.—Tit 2:3-5

• Pauswagon ang kalidad sa imong ministeryo ug mogugol ug mas dakong panahon sa ministeryo

• Mokat-og laing pinulongan

• Moalagad sa teritoryo nga mas dakog panginahanglan

• Moaplay sa Bethel o motabang sa pagtukod ug teokratikanhong mga pasilidad

• Moaplay sa School for Kingdom Evangelizers

TAN-AWA ANG VIDEO NGA “MGA BABAYE NGA NAGHAGO PARA SA GINOO,” UG TUBAGA ANG MOSUNOD NGA PANGUTANA:

• Sa unsang paagi ang gisulti sa matag sister nakadasig nimo?