Kinsa ang Imong mga Higala Online?

Ang higala nagkahulogan nga “ang usa nasuod sa laing tawo tungod sa pagmahal o pagtahod.” Pananglitan, si Jonatan ug David nasuod pag-ayo sa usag usa human mapatay ni David si Goliat. (1Sa 18:1) Ang ilang maayong mga hiyas nakapasuod nila sa usag usa. Busa, kinahanglang mailhan gyod nimo ang usa ka tawo aron lig-on ang inyong panaghigalaay. Aron mailhan ang laing tawo, gikinahanglan ang panahon ug paningkamot. Pero diha sa mga social network, ang mga tawo puwedeng makakitag “mga higala” sa usa lang ka tuplok sa mouse. Makaplano sila sa ilang isulti ug puwede nilang makontrol kon unsay hunahunaon sa ubang tawo kanila, maong dali ra nilang matago kon kinsa gyod sila. Busa, maayo kon nakadesisyon na ka daan kon unsang klaseha sa mga tawo ang imong dawaton ingong higala. Ayawg kahadlok nga balibaran o balewalaon ang friend request sa mga tawo nga dili nimo kaila tungod lang kay naghunahuna ka nga basig masakitan sila. Ang uban wala mogamit ug social network aron malikayan ang posibleng mga kapeligrohan. Pero, kon mogamit kag social network, unsay angay nimong hinumdoman?

TAN-AWA ANG VIDEO NGA PAGBANTAY SA PAGGAMIT SA SOCIAL NETWORK, DAYON TUBAGA ANG MOSUNOD NGA MGA PANGUTANA:

• 

  Unsay angay nimong konsiderahon sa dili pa mag-post ug mga comment ug picture?

• 

  Nganong kinahanglan kang mag-amping sa pagpilig mga higala online?

• 

  Nganong angay kang magtakdag limitasyon sa panahon nga imong igahin sa social network?—Efe 5:15, 16