Kon Unsaon Paggamit ang mga Video sa Pag-Bible Study

Naa tay upat ka video sa pag-Bible study nga magamit sa ministeryo. Unsay katuyoan sa matag usa niini nga mga video?

• 

  Nganong Tun-an ang Bibliya?​—Kompletong Bersiyon. Gihimo ni nga video aron mainteres ang mga tawo sa Bibliya bisag unsa pay ilang relihiyon. Dasigon sila niini nga pangitaon ang tubag sa Bibliya sa importanteng mga pangutana sa kinabuhi. Gipakita sa video ang pipila ka rasonableng tubag sa Bibliya ug kon unsaon pag-request ug Bible study.

• 

  Nganong Tun-an ang Bibliya? (mubo nga bersiyon). Parehas ni sa kompletong bersiyon pero wala ray duha ka minuto ang gitas-on. Mas epektibo ning gamiton sa mga teritoryo nga busy ang mga tawo.

• 

  Sa Unsang Paagi Ginahimo ang Bible Study? Kini nga video gidisenyo aron mainteres ang mga tawo sa atong libreng pagtuon sa Bibliya ug matubag ang komon nga mga pangutana bahin niini, apil na kon unsaon pag-request ug Bible study.

• 

  Welcome sa Imong Pagtuon sa Bibliya. Kini nga video ipakita ngadto sa mga Bible study. Bisan pag ang video gihisgotan sa panid dos sa Mabuhi Ka Hangtod sa Hangtod! nga libro, puwedeng ipakita ang video dihang maghisgot sa Mabuhi Ka Hangtod sa Hangtod! nga brosyur. Gipakita sa video kon unsay hisgotan ug madahom sa estudyante panahon sa pagtuon.

Bisan pag naay partikular nga katuyoan ang matag video, puwede nato ning ipakita o ipadala sa mga tawo kon haom sa kahimtang. Gidasig ang tanan nga mapamilyar pag-ayo niini nga mga video ug gamiton kini sa ministeryo.