Tip sa Pagtuon

Ginabasa ba nimo ang eksplinasyon bahin sa mga teksto sa Bibliya diha sa Giya sa Pagpanukiduki Para sa mga Saksi ni Jehova?

Kini nga mga eksplinasyon makatabang nimo nga mas masabtan ang Pulong sa Diyos. Apil niini ang mga detalye bahin sa hitabo nga gihisgotan sa teksto, kon nganong gisulat kini, kang kinsa kini mapadapat, o ang kahulogan sa espesipikong mga pulong.

Sa Watchtower ONLINE LIBRARY^™ ug sa JW Library^®, imong ma-access ang mga reperensiya sa Giya sa Pagpanukiduki diha mismo sa bersikulo sa Bibliya. Kini nga mga reperensiya naa sa study pane sa mga bersiyon sa Bibliya nga available didto.

Dihang gamiton nimo ni nga mga reperensiya, tan-awa ang petsa. Ang kinabag-ohang mga artikulo maoy naa sa ibabaw. Sa ubos sa listahan, makita ang karaang mga artikulo nga naa tingali daang pagsabot nga gibag-o na.

• Ang mga reperensiya sa Giya sa Pagpanukiduki para sa mga teksto awtomatik nga makita sa Watchtower ONLINE LIBRARY.

• Aron makita kini nga mga reperensiya sa JW Library, i-install ang Giya sa Pagpanukiduki ug i-download ang available nga mga update. Mahimo nimo ni pinaagi sa pag-click sa download nga button ibabaw sa study pane sa bisan unsang kapitulo sa Bibliya.