Sukli ang Kamingaw Pinaagi sa Pagtabang sa Uban—Kon Unsay Giingon sa Bibliya

Daghang tawo sa tibuok kalibotan ang mibatig kamingaw ug para nila wala silay suod nga higala. Ang ubang eksperto miingon nga dihang motabang ta sa uban masuklan nato ang maong mga pagbati.

• “Ang pagtabang sa uban makahatag ug kahulogan sa atong kinabuhi ug makatabang ni nato nga masuklan ang kamingaw o ang pagbati nga nag-inusara.”—U.S. National Institutes of Health.

Ang Bibliya naghatag ug praktikal nga tambag kon unsay atong mahimo sa pagtabang sa uban. Ang pagpadapat niini makatabang nato nga masuklan ang kamingaw ug ang pagbati nga nag-inusara.

Ang imong mahimo

Magmahinatagon. Pangitag kahigayonan nga makig-uban sa ubang tawo, ilabina sa personal. Batasana ang pagpanghatag. Kon imo nang himoon, posibleng magmapasalamaton sila nimo, ug moresulta nig panaghigalaay.

• Prinsipyo sa Bibliya: “Batasana ang paghatag, ug hatagan mo sa mga tawo.”—Lucas 6:38.

Tabangi ang uban. Pangitag mga paagi nga matabangan ang uban nga naa sa kalisdanan. Apil niana ang pagpaminaw pag-ayo nila o paghatag ug praktikal nga tabang aron moarang-arang ang ilang problema.

• Prinsipyo sa Bibliya: “Ang usa ka higala mahigugma sa tanang panahon.”—Panultihon (Proverbio) 17:17, Ang Biblia, 2011.

Para sa dugang impormasyon kon unsaon pagmentinar ang maayong relasyon sa uban, basaha ang artikulo nga “Relasyon sa Pamilya ug Panaghigalaay.”