MULBERI, ITOM NGA KAHOYNG

[Gr., sy·kaʹmi·nos].

Gitawag usab nga sycamine, kini nga kahoy gihisgotan lamang diha sa pahayag ni Jesus ngadto sa iyang mga apostoles maylabot sa ilang pagtuo. (Luc 17:​5, 6, ftn sa Rbi8) Ang Gregong pulong nga gigamit kasagarang nagtumong sa kahoyng mulberi, ug ang itom nga mulberi (Morus nigra) sagad nga gitanom sa Israel. Kini maoy usa ka lig-on nga kahoy nga moabot sa gitas-on nga mga 6 m (20 p), nga may dagko, pormag-kasingkasing nga mga dahon ug lugom-pula o itom nga bunga nga kaamgid sa blackberry.