SIPRA

[Maanindot; Pinasinaw; Kahimut-anan].

Sa Gregong Septuagint ang mabasa sa Exodo 1:15 ug 2:21 maoy Sepora; apan sa tekstong Masoretiko mabasa ang Sipra sa Exodo 1:15 ug ang Zipora sa 2:21. Ang Aramaikong pulong niining ngalana maoy Sapira.

Si Sipra maoy usa sa mga Hebreohanong mananabang kinsa, kauban ni Pua, gimandoan ni Paraon nga patyon dayon ang tanang Hebreohanon nga batang lalaki inigkatawo nila. Apan, tungod kay usa ka babayeng mahinadlokon sa Diyos ug nagtahod sa pagkabalaan sa tawhanong kinabuhi (Gen 9:6), iyang gitipigang buhi ang mga batang lalaki ug siya gipanalanginan ni Jehova pinaagi sa pagkabaton ug kaugalingong pamilya.​—Ex 1:15-21; tan-awa ang MANANABANG.