Mga Maghuhukom Nagluwas sa Israel Gikan sa Pagpanglupig

ANG basahon sa Mga Maghuhukom maoy usa ka kulbahinam nga rekord sa mga kalamposan sa mga tawong may pagtuo nga gitudlo ni Jehova aron sa pagluwas sa Israel gikan sa pagpanglupig. Ang mga nanglupig naggikan sa lainlaing mga dapit; dili kanunayng pareho ang mga dapit diin nag-alagad ang mga Maghuhukom. Apan, bisan unsa pa ka gamhanan ang kaaway, sa dihang ang Israel mapainubsanong maghinulsol sa ilang daotang mga binuhatan ug mosalig gayod kang Jehova, ang Maghuhukom magluwas kanila. Kini nga basahon sa Bibliya naghatag kanato ug pasiunang talan-awon sa mas dakong kaluwasan nga itagana sa Diyos alang sa iyang mga alagad pinaagi sa iyang Anak.