HADADRIMON

Dayag nga usa ka dapit diha sa patag nga walog sa Megido. (Zac 12:11) Ang Hadadrimon sagad gituohan nga mao ang Rummana, usa ka dapit nga mga 7 km (4.5 mi) sa HHS sa Megido.

Ang ‘dakong pagminatay’ didto sa Hadadrimon nga gihisgotan sa tagna ni Zacarias lagmit nagtumong sa pagminatay tungod kang Haring Josias, nga namatay sa gubat didto sa Megido. (2Ha 23:29; 2Cr 35:​24, 25) Apan ang uban naglangkit niini nga pagminatay sa rituwalistikong mga seremonyas sa pagbangotan sama nianang ilang gihimo alang sa bakak nga diyos nga si Tamuz (itandi ang Eze 8:14) ug nag-isip sa “Hadadrimon” ingong gikombinar nga ngalan sa usa ka diyos. Imposible kini, ilabina nga ang mga pulong ni Jehova pinaagi kang Zacarias maoy bahin sa usa ka tagna maylabot sa Mesiyas. Imposible gayod nga ang mga seremonyas sa idolatrosong pagbangotan magsilbing usa ka matagnaong ilustrasyon; apan posible gayod nga himoon kini nga pagbangotan alang sa usa ka matinumanong hari sa Juda.​—Itandi ang Ju 19:37 ug Pin 1:7 sa Zac 12:10-14.