Gamitang Epektibo ang Espesyal-Tuyo nga mga Artikulo
1 Sa tibuok kalibotan, gikan sa 1979 hangtod sa 1987, ang produksiyon sa magasin milukso gikan sa 394,899,446 ngadto sa 585,369,060, hapit 50-porsiyentong uswag. Ug labaw sa 1,135,585,000 ka kopya sa The Watchtower ug Awake! ang napatik sa miaging duha ka tuig. Apan ang pangutana mao, ato bang mahimo ang mas pa ganing epektibong paggamit sa atong mga magasin?
2 Sa pagtabang kanimong buhaton kini, ang Atong Ministeryo sa Gingharian mopahibalo nga abante sa espesyal-tuyo nga mga artikulo o mga artikulong mahimong may espesyal nga interes ngadto sa linaing grupo sa mga tawo diha sa inyong teritoryo. Ang mga sugyot ihatag kon ngadto kang kinsa nga kini mahimong magpadani o makapatagad. Kon ang mga magmamantala gustog dugang mga kopya, kini gayod orderon gilayon.
3 Pananglitan, ang Septiyembre 8 nga Awake! nagadala sa ulohang “Parents—You Have Homework Too!” Kining mga artikuloha mosaler gayod ngadto sa mga magtutudlo ug administrador sa eskuwelahan tungod kay kini nagapasiugda sa mga responsabilidad sa mga ginikanan sa pagkooperar sa sistema sa eskuwelahan diha sa pag-edukar sa ilang mga batan-on.
4 Ang Oktubre 8 nga Awake! adunay malangkobong pagkobre sa sakit nga AIDS, nga makapainteres gayod ngadto sa daghang mga tawo, apil kanilang anaa sa medikal nga propesyon. Ug ang Oktubre 22 nga Awake! nagahisgot sa suliran sa diborsiyo ug paghupot o pag-alima sa bata. Hayan gusto mong binlan ug kopya ang kada abogado ug magtatambag sa pamilya diha sa inyong teritoryo.